"Berisha të ikë, t’i hapë rrugë brezit të ri", Dritan Burgija: PD do të përvetësojë protestën për të shpëtuar Ramën

Dritan Burgija ka akuzuar Sali Berishën se po përpiqet të përvetësojë protestën e studentëve dhe qytetarëve, duke u shprehur se kjo lëvizje i shërben qëndrimit të Edi Ramës në pushtet. Burgija ka thënë se protesta është lindur natyrshëm nga pakënaqësia ndaj klasës së vjetër politike dhe nuk i përket asnjë partie. Ai ka kërkuar Berishën të largohet nga drejtimi i Partisë Demokratike dhe t’i hapë rrugë një brezi të ri, duke e cilësuar lidershipin e tij të konsumuar. Burgija ka argumentuar se përfshirja e Berishës rrezikon ta zhvendosë vëmendjen nga përgjegjësia e qeverisë drejt përplasjes së zakonshme mes dy rivalëve politikë. Ai ka theksuar se protesta duhet të ruajë pavarësinë dhe të mbetet një instrument presioni qytetar për llogaridhënie dhe ndryshim.