Lufta zbret në ferrin nëntokësor: Rusët dhe ukrainasit përleshin për vdekje brenda tubacioneve të gazit

Lufta në Ukrainë po zhvillohet në një hapësirë të re, në ferrin nëntokësor. Rusët dhe ukrainasit po përleshin për vdekje brenda tubacioneve të gazit, të cilat janë përdorur si korridore ushtarake për të shmangur vëzhgimin e dronëve.

Një nga frontet më të pazakonta të luftës në Ukrainë ndodhet larg fushave të hapura dhe qyteteve të shkatërruara. Ai shtrihet brenda një rrjeti tubacionesh çelik, të ndërtuara gjatë periudhës sovjetike, thellë nën sipërfaqen e tokës.

Disa prej këtyre tubacioneve janë aq të ngushta sa ushtaret mund të lëvizin nëpër to vetëm duke u zvarritur. Para luftës, ato transportonin gazin natyror rus drejt Ukrainës dhe vendeve evropiane. Sot, ushtaret i përdorin si korridore ushtarake, lëvizin me mjete të vogla elektrike, organizojnë prita dhe shkëmbejnë zjarr me mitraloze dhe granatahedhëse antitank.

Përdorimi i tubacioneve për operacione ushtarake mori pamasa më të madhe gjatë pranverës së vitit 2025, veçanërisht në luftimet për qytetin rus të Sudzhës. Forcat ukrainase e kishin marrë kontrollin e qytetit në gusht të vitit 2024. Gjatë operacioneve për rimarrjen e tij, komandantët rusë përdorën kanalizime dhe kalime nëntokësore për të depërtuar në pozicionet kundërshtare.

Deshmitë e disa robërve rusë të luftës, të publikuara nga blogerët ukrainas, përshkruajnë kushtet e vështira të këtyre operacioneve. Sipas këtyre deshmive, disa prej ushtarëve kishin qenë të dënuar për vrasje në burgjet ruse dhe kishin pranuar të shërbenin në front në këmbim të lirimit.

Njëri prej tyre tregoi se kishte ecur i përulur brenda një tubacioni për dy ditë, derisa kishte arritur në një dalje. Ai pretendoi se, pasi kishte pësuar një demtim në këmbë dhe kishte kërkuar leje për të tërhequr, komandanti ia kishte refuzuar kërkesën.

Forcat ruse e përdorën këtë taktikë edhe në luftimet për Pokrovskun dhe Kupianskun, në verilindje të Ukrainës. Grupe të vogla ushtarësh, ndonjëherë edhe individë të vetëm, dilnin nga kalimet nëntokësore prapa vijave ukrainase. Ata fshiheshin në pozicione të mbuluara, prisnin përforsime dhe organizojnë sulme të befasishme.

Për të penguar këto depërtime, edhe njësitë ukrainase të trupës "Khartiia" nisën operacione brenda tubacioneve. Luftimet nën tokë paraqesin vështirësi të veçanta për ushtarët. Sipas raportimit, disa njësi ukrainase qëndrojnë për javë të tëra në rrjetin nëntokësor. Për të transportuar personel dhe pajisje, ata përdorin vagonë të vegjël minierash, të cilëve u kanë përshtatur motorë nga monopatinat elektrike.

Brenda tubacioneve mbeten era të forta nga mbetjet e gazit natyror dhe substancave kimike. Përplasjet e armatosura zhvillohen në hapësira jashtëzakonisht të kufizuara, shpesh në distanca prej vetëm pak metrash. Plumbat dhe copëzat e granatave mund të rikoshetojnë nga muret e çelikut, duke shtuar rrezikun për ushtarët.