Klopp bën zgjedhjen: Do të mbështes skuadrën më të mirë në El Clasico
Jürgen Klopp ka treguar se cilën skuadrë ka mbështetur historikisht në rivalitetin mes Barcelonës dhe Realit të Madridit, duke deklaruar se do të ndjekë El Clasico mes dy skuadrave.
Gjatë pushimit të ndeshjes së Ligës së Kampioneve mes Bayern Munich dhe Arsenalit, ish-trajneri i Liverpoolit foli për përballjen mes dy gjigantëve spanjollë, duke pranuar se Barcelona ka pasur gjithmonë një vend të vërtetë në preferencat e tij.
“Sigurisht që do ta ndjek El Clasicon mes Barcelonës dhe Realit të Madridit. E kam ndjekur këtë përballe në çdo etapë të jetës sime”, deklaroi Klopp.
Tekniku gjerman shpjegoi se simpatia e tij për katalanasit lidhej edhe me mënyrën se si luante dikur mbrojtja e Realit të Madridit, veçanërisht me ndërhyrjet e ashpra të Pepes.
“Më pare kam qenë më shumë mbështetës i Barcelonës, sepse nuk më pëlqenin veprimet e Pepes dhe të mbrojtësve të tjerë të Realit të Madridit”, u shpreh ai.
Megjithatë, Klopp theksoi se sot e përçakton preferencën e tij duke vlerësuar paraqitjet e skuadrave. Edhe sipas këtij kriteri, gjermani anon nga Barcelona.
“Aktualisht mbështes skuadrën më të mirë dhe, duke parë se si janë gjërat në këtë moment, ndoshta ajo është Barcelona”, deklaroi ish-trajneri i Liverpoolit.
Deklaratat e Klopp vijne në prag të një përballeje ku dy rivalët paraqiten me ecuri të ndryshme. Reali i Madridit po kalon një periudhë pozitive për sa u përket rezultateve, megjithëse loja e tij ka ngritur pikëpyetje, ndërsa Barcelona vjen pas humbjes së pare sezonale.