"Indianët e Woltit" të strehuar në konviktet e Kamzës: Regjistrime fiktive, dyshim për trafik qeniesh njerëzore

Fiksi Fare ka bërë një vëzhgim në konviktet e Universitetit Bujqësor të Tiranës dhe ka gjetur se personat e huaj punojnë te Wolt, një kompani që shpërndan ushqime në Tiranë. Fiksi ka mësuar se drejtori i Rezidencës Studentore nr.1, Olsi Shahini, ka bërë marrëveshje me universitete private dhe një firmë private për të dhënë godinat në përdorim për studentë të huaj dhe punëtorë.

Drejtori i Rezidencës Studentore nr.1, Olsi Shahini, ka bërë marrëveshje me universitete private dhe një firmë private për të dhënë godinat në përdorim për studentë të huaj dhe punëtorë. Marrëveshjet janë firmosur nga drejtori Olsi Shahini, i cili përveç studentëve, i ka dhënë një firme private të drejtën për t’a përdorur, jo për studentë, por për punëtorë. Nuk është bërë asnjë ankand apo tender, vetëm me marrëveshje!

Fiksi ka mësuar se në një godinë, rreth 210 punëtorë qëndrojnë dhe janë akomoduar nga firma "Feniks". Firma "Feniks" i paguan Rezidencës Nr.1 një tarifë prej 7.5 mijë lekë për person. Studenti indian merr vërtetim që “u akomodua”, por ende s’ka ardhur në Shqipëri. Fiksi ka siguruar dokumente dhe biseda që hedhin hije të forta dyshimi për trafik të qenieve njerëzore.

Administratori i "Feniks" bën pazar dhe strehon klandestinë. Fiksi bën pazar dhe ai e ul, fillimisht 140 euro dhe më pas 130 nëse do të sjellim mbi 100. S’mund t’i marrë shteti këto para?! Florjani nuk mjaftohet me akomodimin e punëtorëve. Ai pranon se mund të regjistrojë edhe punëtorë pa ardhur fizikisht në ato godina (klandestinë).