Sekretariati i Etikës shqyrton kërkesën e PS për përjashtimin e 20 deputetëve demokratë

Sekretariati i Etikës do të shqyrtojë sot në orën 10:00 kërkesën e një grupi deputetësh të Partisë Socialiste për përjashtimin e 20 deputetëve të opozitës pas përplasjeve në seancën e djeshme plenare. Kërkesa e PS-ës është drejtuar për përjashtimin e deputetëve Flamur Noka, Belind Këlliçi, Fidel Kreka, Edi Paloka, Besart Xhaferri dhe Luçiano Boçi, të cilët u përplasën verbalisht dhe fizikisht me deputetët socialistë.

Ndërsa për 14 deputetë të tjerë të PD-së; Gjin Gjoni, Bardh Spahia, Albana Vokshi, Elda Hoti, Xhelal Mziu, Gent Strazimiri, Enno Bozdo, Kastriot Piroli, Kliti Hoti, Flamur Hoxha, Arjan Ndoja, Ivi Kaso, Zija Ismaili dhe Blendi Himçi është kërkuar përjashtimi me 10 ditë nga punimet e Kuvendit. Pavarësisht tensioneve, gjatë seancës së djeshme u miratuan gjashtë projektligje dhe tre projektvendime, mes tyre edhe ngritja e Komisionit të Posaçëm për fazën e dytë të Reformës Territoriale.