Rama takon drejtuesit politikë dhe ministrat për dorëheqjet në administratë

Kryeministri Edi Rama ka mbajtur një takim me drejtuesit politikë dhe ministrat për të diskutuar dorëheqjet në administratë. Takimi u zhvillua për të qartësuar udhëzimet për largimin e drejtorëve qendrorë dhe rajonalë. Drejtuesit politikë do të duhet të shpjegojnë në zonat e tyre këto valë shkarkimesh me dorëheqje, duke argumentuar se do të kemi një administratë me meritokraci. Operacioni i gjerë i ndryshimeve në administratë prek disa institucione të rëndësishme të vendit, duke përfshirë Tatimet dhe Doganat, infrastrukturën, energjinë, burgjet, prokurimet publike dhe agjencitë shtetërore. Procesi i dorëheqjeve duhet të nisë zyrtarisht sot, në orën 08:00 të mëngjesit dhe të përfundojë plotësisht deri në hënë, më 26 tetor.