120 mjekë i bashkohen studentëve: Kërkojmë dorëheqjen e Ramës dhe qeveri tranzitore

Mjeku Ermal Pashaj ka bërë thirrje për bashkim dhe solidaritet me studentët, duke kërkuar dorëheqjen e kryeministrit Edi Rama si hapin e parë të marrjes së përgjegjësisë politike për krizën që ka perfshirë vendin. Ai ka kërkuar gjithashtu krijimin e një qeverie tranzitore me përmbërje teknike, me qëllim gjetjen e një zgjidhjeje paqësore për situatën.

Nga sheshi para Kryeministrisë, Pashaj lexoi deklaraten e përbashkuar të nënshkruar nga 120 profesionistë të shëndetësisë, të cilët shprehin mbështetjen e tyre për protestën e studentëve dhe kërkojnë respektimin e të drejtave themelore të qytetarëve.

Në deklaratën, profesionistët e shëndetësisë i bëjnë thirrje Policisë së Shtetit të garantojë jetën dhe shëndetin e qytetarëve, si dhe të mbrojë pronën publike dhe private. Ata kërkojnë që ndërhyrjet policore të kryhen në përbërje me ligjin dhe të shmanget përdorimi i gazit lotësjellës në përmase të medha në qendrat urbane dhe zona të banuara, për shkak të rrezikut që paraqet për fëmijët, të moshuarit dhe qytetarët që nuk janë pjesë e protestës.

Një tjetër kërkesë e rëndësishme lidhet me garantimin e ndihmës mjekësore për çdo person të lënduar. Nënshkruesit e deklaratës konsiderojnë të papranueshme lënien pa ndihmë të personave të plagosur, veçanërisht të atyre që janë pa ndjenja ose nuk kanë mundësi të kërkojnë vetë asistencë.

Ata kërkojnë gjithashtu hetim të shpejti, të pavarur, të plotë dhe transparent për çdo denoncim për abuzim policor, përfshirë raste kur veprime apo mosveprime të caktuara mund të kenë dëmtuar qytetarët, të kenë rrezikuar jetën e tyre ose të kenë penguar marrjen në kohë të ndihmës shëndetësore.

"Ne nënshkruesit e kësaj deklarate, mjekë, stomatologë, farmacistë dhe punonjës të tjerë, i bashkohemi protestës së studentëve në mbrojtje të jetës, dinjitetit dhe të ardhmes së Shqipërisë, misioni ynë për të mbrojtur jetën dhe shëndetin dhe lehtësuar vuajtjen na ngarkon me përgjegjësinë të reagojmë kur cenohet integriteti dhe dinjiteti njerëzor. Nuk mund të qëndrojmë të heshtur përballë dhunës ndaj të rinjve dhe cenimit të të drejtës së tyre për protestë paqësore.

Arsimimi cilësor, mundësitë e ndershme dhe e drejta për të ndërtuar të ardhmen në vendin e tyre janë çështje që na perkasin të gjithëve. Në kushtet e krijuara për mbrojtjen e jetës, kërkojmë veprime konkrete të menjëhershme. Ky grupim kërkon dorëheqjen e kryeministrit Edi Rama si akt të marrjes si përgjegjësishës politike për krizën dhe përshkallëzimin e saj dhe krijimin e një qeverie tranzitore me përmbërje teknike që të mundësojë daljen paqësore nga kjo situatë.

Funksionimin e institucioneve dhe rikthimin e besimit qytetar dhe respektimin e vullnetit të tyre. Dënojmë dhunën e ushtruar ndaj studentëve dhe atyre që janë angazhuar për t'u dhënë ndihmë në parë të lënduarve.

U bëjmë thirrje punonjësve të policisë së shtetit të garantojnë mbrojtjen e jetës dhe të shëndetit të qytetarëve si dhe paprekshmërinë e pronës publike dhe private duke vepruar në çdo rast në përbërje me ligjin. Kërkojmë që ndërhyrjet policore të mbrojnë dhe banorët dhe kalimtarët gjithashtu dhe personat që nuk marrin pjesë në protestë. Përdorimi në përmase të medha i gazit lotësjellës në qendrat e qytetit dhe zona të banuara mund të ekspozojë pa dallim qytetarët në çdo moshë, përfshirë këtu fëmijët dhe të moshuarit.

Si profesionistë të shëndetësisë e konsiderojmë të papranueshme lënien pa ndihmë të personave të lënduar, veçanërisht kur ata janë pa ndjenja dhe në pamundësi për të kërkuar ndihmë. Kërkojmë hetim të shpejti, të pavarur, të plotë dhe transparent të çdo denoncim për abuzim, përfshirë çdo veprim apo mosveprim që ka shkaktuar dëmtime, ka rrezikuar jetën ose ka penguar apo vonuar dhënien e ndihmës shëndetësore."