Ministri Ervin Demo dhe Giorgia Meloni për një qasje të përbashkët kundër drogës

Ministri i Punëve të Brendshme, Ervin Demo, u takua me Kryeministren italiane, Giorgia Meloni, në një takim ndërkombëtar për parandalimin e varësive dhe rehabilitimin në San Patrignano të Italisë. Fokusi i takimit ishte në rëndësinë e një qasjeje të përbashkët kundër drogës, e cila përfshin parandalimin e varësive, mbrojtjen e të rinjve dhe mbështetjen për rehabilitimin dhe riintegrimin në shoqëri.

Demo theksoi se lufta kundër drogës nuk është vetëm një çështje e sigurisë dhe e zbatimit të ligjit, por edhe një përgjegjësi e përbashkët për mbrojtjen e të rinjve, parandalimin e varësive dhe krijimin e mundësive reale për rehabilitim dhe riintegrim në shoqëri. Ai shtoi se parandalimi, bashkëpunimi ndërkombëtar dhe mbështetja për ata që përballet me varësitë janë pjesë të pandashme të një qasjeje të qëndrueshme kundër drogës.