Aktualitet
Seanca shtyhet për Gjon dhe Ervis Shkambi, avokatët kërkojnë audion e seancës paraprake
Seanca e Gjon dhe Ervis Shkambi, të akuzuar për vrasjen e gjyqtarit Astrit Kalaja, është shtyrë për më 16 nëntor. Avokatët e të dy të akuzuarve kërkojnë të njihen me audion e seancës paraprake të datës 6 tetor.
Është shtyrë për më 16 nëntor seanca paraprake ndaj Gjon dhe Ervis Shkambi, të akuzuar për vrasjen e gjyqtarit Astrit Kalaja. Prokuroria e Kosovës ka lexuar veprimet hetimore që ka kryer. Avokati i Ervis Shkambi kërkoi të njihet me audion e seancës paraprake të datës 6 tetor, ndërsa avokatët e Gjon Shkambi kërkuan të njihen me aktet që lidhen me klientin e tyre. Ndërkohë, avokati i familjes së Astrit Kalasë kërkoi që procesi të jetë transparent dhe të respektohet Kodi i Procedurës Penale.