Van Gaal shpërthen ndaj UEFA-s: "Mendojnë vetëm për paratë, është një botë e korruptuar"

Ish-trajneri holandez, fitues i trofeut me Ajaxin në sezonin 1994/95, e konsideron sistemin aktual me 36 skuadra në një fazë të përbashkët ligë si papërshtatshëm. "Është qesharake që UEFA krijoi këtë strukturë për Ligën e Kampionëve. Në ditët e sotme, çdo grup i panjohurish mund të marrë pjesë në të. UEFA mendon vetëm të fitojë para. Është një botë e korruptuar", tha Van Gaal.

Për trajnerin 75-vjeçar, nëse kompeticioni mban emrin e kampionëve, atëherë duhet të përfshijë vetëm ekipet me të mira të Evropës. Sipas tij, një përzgjedhje me e fortë do të zvogëlojë diferencat mes skuadrave dhe do të garantonte ndeshje me nivel të lartë.

Van Gaal propozon krijimin e një sistemi të ndarë sipas niveleve, me një Ligë A, Ligë B dhe kështu me radhë. Ai beson se Europa League dhe Conference League nuk e zgjidhin problemi të formatit aktual, por përdoren nga UEFA për të justifikuar strukturën e garave.

Kritikat e holandezit nuk lidhen vetëm me cilësinë e ndeshjeve. Ai paralajmëron edhe për pasojat që kalendari i ngjeshur mund të ketë te futbollistët, duke argumentuar se numri i madh i takimeve rrit rrezikun e dëmtimeve.

"Ka shumë ndeshje, me një fazë grupesh të gjatë dhe, rrjedhimisht, me shumë lëndime. Do të ishte më mirë të ktheheshim në një format me më pak ndeshje, duke organizuar gjithçka sipas rregullave të përcaktuara", theksoi ai.

Sipas Van Gaal, një ndryshim i tillë do të sillte përballeje me cilësore dhe me emocionuese, ndërsa do të ndihmonte edhe në uljen e ngarkesës fizike për lojtarët.

Në fund, ish-trajneri i Manchester United dhe i përfaqësuesit holandez kujtoi se e kishte ngritur këto shqetësim edhe dy dekada më parë, por pa gjetur mbështetjen e UEFA-s.

"Kjo është diçka që ia thashë UEFA-s 20 vjet më parë, por ata nuk më dëgjuan", përfundoi Van Gaal.