Studentët e Korçës mblidhen në mbështetje të të rinjve në Tiranë

Studentët e Korçës janë mbledhur para Universitetit të Korçës për të shprehur mbështetjen e tyre për protestat e të rinjve në Tiranë, të cilat po zhvillohen për 11 ditë. Me pankarta në duar dhe thirrje, të rinjtë kanë përcjellë mesazhet e tyre, duke kërkuar një të ardhme më të sigurt dhe duke shprehur solidaritet me bashkëmoshatarët e tyre në kryeqytet.

Studentët e Korçës kanë përdorur sloganet "Duam një të ardhme më të sigurt" dhe "Studentët bashkohen, shteti rrëzohet" gjatë tubimit para universitetit. Përmes këtij organizimi, studentët e Korçës janë bashkuar simbolikisht protestat që po zhvillohen në Tiranë, duke mbështetur kërkesat e të rinjve që prej ditësh janë mbledhur në kryeqytet.

Tubimi në Korçë vjen në ditën e 11-të të protestave studentore në Tiranë, të cilat kanë sjellë reagime dhe mobilizim edhe nga grupe të tjera studentësh. Me këtë tubim, të rinjtë e Korçës kanë përcjellë mesazhin se shqetësimet e ngritura nga studentët në kryeqytet gjejnë mbështetje edhe jashtë Tiranës.