Gjykata Kushtetuese kalon në seancë pretendimet e PD-së për shkelje procedure

Gjykata Kushtetuese ka kaluar në seancë për shqyrtim kërkesën e Partisë Demokratike, e cila pretendon se gjatë miratimit të marrëveshjes së huaj prej 302 milionë dollarësh me SHBA-në janë shkelur procedurat. Partia Demokratike iu drejtua Gjykatës Kushtetuese për ligjin që miraton këtë marrëveshje, duke deklaruar se nuk e kundërshton atë në parim, por procedurën përmes së cilës u miratua në Kuvend. Sipas PD-së, shumica parlamentare ka shkelur Kushtetutën dhe standardet e vendosura nga Gjykata Kushtetuese, duke mos u dhënë deputetëve kohën dhe mundësinë për t’u njohur me përmbajtjen e marrëveshjes dhe për të ushtruar funksionet e tyre parlamentare.