Gjykata Kushtetuese pranon për shqyrtim kërkesën e PD-së për marrëveshjen me SHBA

Gjykata Kushtetuese ka vendosur të kalojë në seancë gjyqësore kërkesën e Partisë Demokratike, e cila kundërshton procedurën e ratifikimit të marrëveshjes ushtarake prej 302 milion dollarësh ndërmjet Shqipërisë dhe Shteteve të Bashkuara të Amerikës. Partia Demokratike ka dërguar çështjen në Gjykatën Kushtetuese, duke pretenduar se Kuvendi nuk ka respektuar kërkesat kushtetuese gjatë miratimit të marrëveshjes. Opozita ka sqaruar se kundërshtimi i saj nuk lidhet me përmbajtjen e marrëveshjes apo me bashkëpunimin ushtarak me Shtetet e Bashkuara, të cilat përbëjnë aleatin strategjik të Shqipërisë, por me procedurën parlamentare që shumica ndoqi për ratifikimin e saj. Sipas PD-së, menyra e miratimit të marrëveshjes ka cenuar rregullat kushtetuese, ndaj partia kërkon që Gjykata Kushtetuese të vlerësojë ligjshmërinë kushtetuese të procedurës. Me vendimin për kalimin e çështjes në seancë gjyqësore, Gjykata Kushtetuese do të shqyrtojë pretendimet e opozitës dhe do të percaktojë nëse Kuvendi ka vepruar në përputhje me Kushtetutin gjatë ratifikimit të marrëveshjes.