Bebe Rexha: Një sukses tjetër në karrierën e saj muzikore

Bebe Rexha ka arritur një tjetër sukses në karrierën e saj muzikore, duke u renditur në vendin e 35-të në listën e 50 këngëve të degjuara nga artiste femra në platformën Spotify me projektin "New Religion". Këngëtarja ka njoftuar këtë lajm në rrjetet sociale, duke publikuar renditjen në platformën X dhe duke shprehur entuziazmin për këtë arritje, e cila vjen në një moment të rendesishëm të rrugësimit të saj artistik.

" Fakti që 'New Religion' renditet në vendin e 35-të në listën Top 50 të Spotify është vlerë e jashtëzakonshme", ka shkruar Bebe Rexha. Ky rezultat merr një rendesishme për artisten, e cila ka vendosur të vijojë karrierën në mënyrën e pavarur pas përfundimit të bashkëpunimit me kompaninë diskografike Warner Records.

Në deklarimet e saj, Rexha ka folur për sfidat që shoqërojnë artistët e pavarur në industrinë muzikore, ku kompanitë e madhe diskografike zotërojnë buxhetet të konsiderueshme dhe mundësi të gjera promovimi. Sipas këngëtares, "New Religion" është i vetmi projekt i realizuar nga një artiste e pavarur që ka arritur të përfshihet në këtë renditje, çka e bën suksesin edhe më të rendesishëm për të.

"Jam krenare që vendosa të besoj vetes dhe edhe më krenare për atë që po ndërtoj. Faleminderit që jeni pjesë e këtij rrugëtimi. Nuk ka qenë një rrugë e lehtë, por ka qenë një udhëtim i bukur", është shprehur ylli i muzikës.

"New Religion" është pjesë e albumit "Dirty Blonde", një projekt që përfaqëson një etapë të re në karrierën e Bebe Rexhës, e cila synon të konsolidojë identitetin e saj artistik dhe të zhvillojë krijimtarinë muzikore jashtë strukturave tradicionale të kompanive diskografike.