Bayern Munich reagon për gjendjen shëndetësore të trajnerit Kompany

Trajneri belg, Vincent Kompany, ka pësuar një kolaps gjatë stërvitjes së ekipit të Bayern Munich. Ai është marrë menjëherë në kujdesin e mjekëve dhe është dërguar në spital për ekzaminime të specializuara. Klubi ka konfirmuar se Kompany do të qëndrojë nën kujdesin e mjekëve, por nuk ka dhënë asnjë shpjegim për shkakun e kolapsit apo për kohën që do të i duhet për të rikthyer në detyrë.

Drejtori sportiv i Bayern Munich, Max Eberl, ka deklaruar se drejtuesit e klubit kanë vendosur të japin përparësi gjendjes shëndetësore të trajnerit, pa ushtruar presion për rikthimin e tij. "Shëndeti i Vincent Kompanyt ka përparësi absolute për ne. Te Bayern Munich do të bëjmë gjithçka që ai të rikuperohet sa më shpejt. Vinnie po merr të gjithë kujdesin dhe mbështetjen e nevojshme mjekësore, si dhe të gjithë kohën që i duhet", deklaroi Eberl.

Eberl ka sqaruar gjithashtu se mungesa e Kompanyt nuk do të ndërprerë programin e skuadrës, pasi ndihmësit e tij do të marrin përgjegjësinë për stërvitjet dhe drejtimin e ekipit në ndeshjet e ardhshme. "Ne kemi besim të plotë në stafi i tij teknik, i cili do të marrë përsipër detyrat e tij. Të gjithë te Bayern Munich i urojmë Vinniet një rikuperim të shpejtë", shtoi drejtuesi bavarez.

Sipas njoftimit që i atribuohet klubit, kjo zgjidhje do të mbetë në fuqi deri në një vendim të ri, ndërsa mjekët do të vlerësojnë gjendjen e trajnerit belg dhe mundësinë e rikthimit të tij në aktivitet. Bayern Munich nuk ka përçaktuar ende një afat për rikthimin e Kompanyt në pankinë. Klubi nuk ka bërë publike as rezultatet e ekzaminimeve mjekësore që mund të sqarojnë shkakun e incidentit.