Kongresmeni amerikan ultimatum Ramës: Ndalni dhunën, të dëgjohet zëri i qytetarëve

Kongresmeni demokrat amerikan Jim McGovern ka reaguar lidhur me protestat në Shqipëri, duke shprehur shqetësimin për përshkallëzimin e situatës dhe duke i bërë thirrje qeverisë shqiptare të ndalë dhunën ndaj studentëve dhe qytetarëve që protestojnë.

Përmes një postimi në rrjetet sociale, McGovern ka theksuar se protestat janë shpesh pasojë e pakënaqësisë së qytetarëve, kur institucionet qeveritare nuk u përgjigjen nevojave dhe kërkesave të tyre.

Kongresmeni amerikan ka rikujtuar se e drejta për të protestuar në mënyrë paqësore garantohet nga e drejta ndërkombëtare, ndërsa u ka kërkuar autoriteteve shqiptare të respektojnë sundimin e ligjit dhe të dëgjojnë zërin e qytetarëve.

Në reagimin e tij, McGovern ka bërë thirrje të drejtpërdrejtë për ndërprerjen e dhunës ndaj protestuesve, duke nenvizuar rendësinë e respektimit të të drejtave themelore dhe aspiratave të popullit.

“Po i ndjek me shqetësim protestat që po përshkallëzojnë në Shqipëri. Njerëzit dalin në rrugë kur qeveria e tyre nuk u përgjigjet nevojave të qytetarëve.

E drejta për të protestuar paqësisht mbrohet nga e drejta ndërkombëtare. Qeveria duhet të japë fund dhunës ndaj protestuesve, të garantojë sundimin e ligjit dhe të dëgjojë aspiratat e popullit.”, shkruan kongresmeni Jim McGovern.