Skandal fiskal në Greqi: Rrjeti i picerive "Pizza Fan" shkel detyrimet tatimore për 35 milionë euro

Policia greke ka publikuar pamjet e operacionit kundër një organizate kriminale që dyshohet se manipulonte sistemin e porosive dhe faturimit në rrjetin e picerive "Pizza Fan", për të fshehur ardhurat dhe për të shmangur detyrimet tatimore. Dëmi financiar ndaj shtetit grek vlerësohet në mbi 35 milionë euro.

Hetimet e Drejtorisë së Krimit të Organizuar në Policinë Helenike kanë zbuluar një skemë e dyshuar e evazionit fiskal, e shtrirë për një dekada, që pretendon se një rrjet i picerish përdorte një mekanizëm të posaçëm për të përfunduar porositë pa lëshuar faturat përkatëse për tatime.

Sipas autoriteteve, organizata kishte ndërhyrë në sistemin elektronik të marrjes së porosive dhe të lëshimit të faturave, duke u mundësuar disa pikave të rrjetit "Pizza Fan" të kryenin shitje pa i deklaruar plotësisht ato para administratës tatimore.

Në këtë mënyrë, dyshohet se një pjesë e aktivitetit ekonomik i fshihej nga bilancet zyrtare, duke shmangur pagesën e tatimit mbi të ardhurat dhe të TVSH-së.

Mbi 35 milionë euro dëm, 150 milionë euro të ardhura të padeklaruara

Sipas vlerësimeve paraprake të hetuesve, për periudhën 2016-2026, dëmi financiar i shkaktuar shtetit grek nga mospagimi i detyrimeve tatimore tejkalon 35 milionë euro.

Ndërkohë, vlera e aktivitetit të dyshuar të padeklaruar, mbi të cilin nuk janë paguar taksat përkatëse, vlerësohet në më shumë se 150 milionë euro.

23 të arrestuar, mes tyre drejtues dhe punonjës të rrjetit

Operacioni policor u zhvillua më 22 tetor në zonat e Atikës dhe Selanikut, ku u kontrolluan zyra, dyqane dhe banesa.

Në total, janë arrestuar 23 persona, mes tyre drejtuesi i kompanisë, përgjegjësi financiare, punonjës të teknologjisë së informacionit, kontabilistë dhe menaxherë të pikave të shitjes.