VIDEO/ Sulmi në kishë në Jordani: 7 të vdekur dhe 40 të plagosur
Shtatë persona janë vënë në jetë dhe 40 të tjerë janë plagosur në një sulm të përgjakshëm në Kishën Ortodokse Greke të Shën Gjergjit në fshatin Hamoud të provincës Karak në Jordani.
Sulmi u zhvillua gjatë një ceremonie mortore, kur dy persona të armatosur me pistoleta dhe një tjetër me një pushkë gjysmëautomatike hapën zjarr në drejtim të besimtarëve. Dëshmitarët kanë thënë se sulmuesit mbërritën me një automjet dhe u afruan pranë kishës. Besimtarët vrapuan në panik për t’u shpëtuar plumbave, ndërsa në kishë mbetën dritare të thyera dhe gjurmë gjaku.
Ministri i Shëndetësisë, Ibrahim al-Budour, ka thënë se 27 persona janë shtruar në spital, dy prej të cilëve në gjendje kritike. Jordania ka shpallur tri ditë zie kombëtare dhe Mbreti Abdullah II ka shprehur ngushëllimet për familjet e viktimave dhe ka thënë se përgjegjësit do të përballen me dënimet më të rrepta.
Sulmi është dënuar edhe nga kryeministri grek Kyriakos Mitsotakis, Sekretari i Përgjithshëm i OKB-së Antonio Guterres dhe përfaqësues të lartë fetarë, të cilët kanë shprehur solidaritet me viktimat dhe familjet e tyre.