Muriqi i premton trajnerit se do të shënojë në derbi

Vedat Muriqi, sulmuesi i Fenerbahçes, ka premtuar trajnerin e tij, Ismail Kartal, se do të shënojë në derbin e zjarrtë kundër Galatasarayt. Muriqi ka nisur sezonin me Fenerbahçen dhe do të përballet me Galatasarayn në xhiro të nëntë. Fenerbahçe është e treta në tabelën e ligës me 16 pikë, tre më pak se lideri Galatasaray. Muriqi është kthyer te Fenerbahçe në verë për 16 milionë euro nga Mallorca spanjolle. Në 14 ndeshjet e para, ai ka shënuar tetë gola dhe ka kontribuuar edhe me dy asistime. Trajneri Kartal dhe Muriqi kanë mbajtur takim privat gjatë kësaj jave dhe Muriqi është shprehur i motivuar për derbin e zjarrtë të Stambollit. “Do të shënoj gol ndaj Galatasarayt. Mos u brengos”, raportohet t’i ketë thënë Muriqi trajnerit të tij.