Gjykata dënon nëna dhe bijën për vrasjen e të atit në Patos

Prokuroria e Fierit ka përfunduar hetimet dhe ka dërguar në gjyq shtetasen E.R. për vrasjen e babait të saj dhe nënën e saj, V.R., për fshehjen e gjurmëve të krimit. Ngjarja ndodhi më 23 korrik 2025 në banesën e familjes në fshatin Frashër të Patosit. Sipas Prokurorisë, E.R. i ka shtrënguar qafën të atit, A.R., me një lak teli, duke i shkaktuar asfiksi dhe vdekjen e menjëhershme. Pas ngjarjes, përpara mbërritjes së policisë, bashkëshortja e viktimës dyshohet se ka pastruar ambientin ku ai u gjet dhe ka larë trupin e tij. Sipas organit të akuzës, këto veprime kishin për qëllim ndryshimin ose fshehjen e gjurmëve dhe pengimin e zbulimit të së vërtetës. E.R. është dërguar në gjyq për veprën penale “Vrasje për shkak të marrëdhënieve familjare”, ndërsa nëna e saj, V.R., për “Veprime që pengojnë zbulimin e së vërtetës”.