Xabi Alonso: "Gjithçka përfundoi më shpejt nga sa prisja në Real Madrid"

Xabi Alonso ka folur hapur për largimin e tij nga Real Madridi, duke pranuar se aventura e tij në "Santiago Bernabéu" përfundoi më shpejt nga sa e kishte imagjinuar. Ai ka thënë se ndarja erdhi në një moment kur skuadra ishte ende në garë për objektivat kryesore të sezonit.

"Kam mbetur me ndjesinë se gjithçka përfundoi pak më shpejt nga sa pritej, pa e ditur nëse do të përfundonte mirë apo keq. Ishte mesi i sezonit dhe ne ishim ende në La Liga dhe në Champions League", ka thënë Alonso, duke reflektuar mbi mënyrën se si mori fund eksperienca e tij në Madrid.

Pavarësisht zhgënjes, trajneri nuk shfaq mëri ndaj klubit madrilen. Ai e konsideron këtë përvojë një mundësi të rëndësishme për të mësuar dhe për të rritur profesionalisht.

"Të drejtoja Real Madridin është një përvojë më vete. Madridi është i veçantë në çdo aspekt dhe ndryshon nga klubit e tjerë. Kam mësuar shumë nga kjo përvojë dhe nuk e shoh të kaluarën me zemërim. Mendoj se u përpoqa të jepja më të mirën time", deklaroi ai.

Pas eksperiencave të Bayer Leverkusenit dhe Real Madridit, Alonso ka nisur një kapitull të ri në karrierën e tij, këtë herë në Premier League, në krye të Chelseat. Objektivi i tij është të rikthehet klubin londinez mes pretendentëve kryesorë të futbollit anglez.

Spanjolli pranoi se nuk kishte pasur më parë një lidhje të veçantë me Chelsean, por potenciali i klubit dhe mundësia për të ndërtuar një projekt të ri e bindën të pranonte ofertën.

"Nuk kisha lidhje me Chelsean, por pashë potencialin që ekzistonte këtu. Mendova se disa gjëra mund të ndryshonin dhe se mund ta nisnim këtë rrugëtim së bashku", shpjegoi Alonso.

Ai theksoi se koha ishte vendimtare në zgjedhjen e tij, pas aventurës në Leverkusen dhe më pas në Madrid, dëshironte të gjetonte projektin e duhur për hapin e radhës.

"Ishte çështje kohë. Për mua, pas Leverkusenit ishte momenti i duhur. Pas Real Madridit pata pak kohë të lirë dhe doja të ndieja se po shkoja në vendin e duhur, aty ku mund të krijoja një lidhje të mirë", përfundoi trajneri spanjoll.