Lufta hibride e Edi Ramës për të mbajtur pushtetin

Gjatë viteve të fundit, Edi Rama ka përdorur një strategji të luftës hibride për të mbajtur pushtetin. Ai ka përdorur propagandën për të fshehur krizën brenda vendit dhe për të ruajtur pushtetin. Një shembull i kësaj strategjie është rastin e studentit të Mjekësisë, të cilin Rama e paraqiti si një terrorist frikshëm, por që në fund u tregua se ishte një djalë i kapur një vit më parë me pak hashash në xhep.

Më pas erdhi historia e gjashtë dronëve, katër prej tyre të pajisur me eksploziv dhe dy të tjerë të vendosur më lart për të filmuar sulmin mbi "Kopshtin e Edenit" të Edi Ramës. Versioni mori trajta komike.

Mediat pranë qeverisë e frynë historinë edhe më shumë se vetë kryeministri, i cili fillimisht foli vetëm për një dron. Nëse çështja do të kishte pasur pasqyrat që i dhanë këto media, atëherë do të duhej të reagonin institucionet e sigurisë dhe strukturat e NATO-s.

Këto kemi parë në rastet e vendeve baltike, të Polonisë, Rumanisë dhe Bullgarisë, ku NATO ka reaguar publikisht kur dronët kanë cenuar hapësirën ajrore të vendeve anëtare.

Një dron që mbërrin nga jashtë në Shqipëri duhet të përshkojë hapësirën ajrore të vendeve fqinje anëtare të NATO-s, ose territore ku Aleanca ka prani ushtarake, si Kosova.

Kështu, mbeten vetëm disa mundësi. Ose sulmi me dron nuk ka ekzistuar dhe shërben si prodhim propagandistik, ose dikush ka inscenuar një kërcënim, ose një dron i zakonshëm ka tentuar të filmojë Kryeministrinë, siç bënë edhe mediat gjatë protestave.

Mungesa e një reagimi publik nga NATO për një sulm me dron ndaj një vendi anëtar përben faktin më të rendesishëm në këtë histori. Ky detaj e dobëson rendë versionin që përhapon mediat pranë qeverisë, madje e çon më larg se deklarata fillestare e Edi Ramës.

Këtu shfaqet paradoksi. Mazhoranca po zhvillon një luftë hibride propagandistike kundër asaj që vetë e quan luftë hibride.

Edi Rama kërkon t’i bindë mbështetësit e tij se qeveria po përballët me një komplot ndërkombëtar dhe me një rrjet agjenturash të huaja. Ai e përdor këtë narrativ për të ruajtur pushtetin, duke prodhuar një varg armiqsh të jashtëm sa herë që kriza brenda vendit thellohet.

Nëse një dron kamikaz ka hyrë në territorin shqiptar, qeveria duhet të tregojë nga erdhi, cilën hapësirë ajrore përshkoi, si u diktua dhe si u neutralizua. Këto nuk janë hollësi që mund të zëvendësojë propaganda televizive.

Gjatë këtyre viteve, propaganda e ka mbuluar të vërtetën, zhurma e ka zëvendësuar transparencën dhe pushteti ka përdorur çdo histori për të fshehur përgjegjësinë e vet.