Tottenham mbush dyshimet me fitoren e parë, por derbi me Chelsean është prova e vërtetë

KONTENI:

Tottenham ka marrë katër pikë në dy ndeshjet e fundit, pas barazimit me Manchester United dhe fitores ndaj Coventryt. Megjithatë, prova e vërtetë për skuadrën e Roberto De Zerbit vjen këtë të shtunë në transfertën ndaj Chelseat.

Fitorja 3-1 ndaj Coventryt, të henë, ishte suksesi i parë i Spurs në Premier League, pas barazimit 1-1 me Manchester United, por dyshimet për gjendjen e skuadrës nuk janë zhdukur. Nëntë ditë pas pikës së marrë në Old Trafford, ku Tottenham arriti të barazonte në minutat shtesë edhe pse luajti me dhjetë futbollistë, skuadra e Roberto De Zerbit reagoi sërish, këtë herë me tri pikë. Megjithatë, përballet me Coventryn, skuadër e sapongjitur në elitën angleze, nuk mjafton për të vërtetuar se Spurs e kanë lënë pas periudhën e vështirë.

De Zerbi vlerësoi reagimin e lojtarëve në momentet e presionit, duke u ndalur si në ndeshja me Manchester United, ashtu edhe në mënyrën se si ekipi reagoi pasi Coventry barazoi rezultatin. "Ky është futbolli. Nëse nuk reagon në kohën e vështirë, duhet të ndryshosh sport, të fillosh golf ose diçka tjetër", u shpreh trajneri italian, duke nenvizuar rendësinë e karakterit dhe reagimit të skuadrës.

Tashmë, Tottenham përballet me një provë shumë më të vështirë. Këtë të shtunë, në orën 18:30, Spurs udhëtojnë drejt fushës së Chelseat, në një ndeshje që mund të tregojë nëse dy rezultatet e fundit janë fillimi i një rikthimi të vërtetë apo thjesht një qetësim i përkohshëm i krizës.