Berisha shmang protestën, përpara Kryeministrisë dërgon "3 Musketierët" e PD

Kryetari i Partisë Demokratike, Sali Berisha, nuk ka bashkuar protestën e opozitës në Tiranë, duke qëndruar në selinë e partisë. Ndërsa në terren kanë dalë drejtues të tjerë të partisë, Flamur Noka, Klevis Balliu dhe Agron Gjekmarkaj, të cilët kanë marrë pjesë në tubimin në vend të liderit demokrat. Ndërsa mbështetësit e opozitës janë mbledhur për të protestuar kundër qeverisë, Berisha ka zgjedhur të mos zbresë nga zyra e tij për t'u bashkuar qytetarëve në shesh. Në terren, përfaqësimi i PD-së është marë përsipër nga tre figurat e saj drejtuese, të cilat janë vënë në krye të protestuesve përpara godinës së qeverisë. Studentët kanë bërë qartë se kundërshtimi i tyre nuk kufizohet vetëm te qeveria e Edi Rama, duke shprehur refuzimin ndaj të dy figurave kryesore të politikës shqiptare, duke sinjalizuar se kërkesat e tyre nuk përfaqësohen domosdoshmërisht nga partitë tradicionale.