Protesta e opozitës para Kryeministrisë, shpërthyen tensione

PROTESTA E OPozitës PARA Kryeministrisë, SHPËRTHYEN TENSIONE

Protesta e opozitës përfundoi në tensione, pasi mbështetësit e Partisë Demokratike u vunë flakën shilteve të Kryeministrit Edi Rama, që kishte vendosur rreth një sofrë guri për të ftuar studentët në një dialog. Kryeministri kishte zgjedhur një mënyrë tjetër për të ftuar studentët në bisedime, pas refuzimit të karrigeve dhe stolave të vendosur ditët e mëparshme. Megjithatë, as kjo ftesë nuk u pranua nga studentët.

Siç shihet edhe nga pamjet, protestuesit kanë marrë jastëke që ishin para hyrjes së Kryeministrit dhe i kanë flakën në shesh. Ndërkohë, kreu i Partisë Demokratike, Sali Berisha, nuk u bashkua me protestën e opozitës, duke qëndruar në selinë blu.

Në krye të protestuesve para Kryeministrisë kanë qenë Flamur Noka, Klevis Balliu dhe Agron Gjekmarkaj, të cilët kanë përfaqësuar drejtuesit e PD në tubim. Nga ana tjetër, studentët kanë shprehur kundërshtimin e tyre ndaj të dy krahëve të politikës. Përmes thirrjeve “Rama në burg, Berisha në burg”, ata kanë treguar se protesta e tyre nuk drejtohet vetëm kundër qeverisë, por edhe ndaj figurave të opozitës tradicionale.