"El Clasico: Trajneri i Real Madridit shpreh besimin e tij për fitoren

Në konferencën për shtyp para përballejes me Barcelona, trajneri i Real Madridit ka folur për rendesinë e përballejes, përgatitjet e skuadrës dhe kritikat që shoqërojnë punën e tij.

"Ajo çfarë ke bërë më parë nuk vlen", tha trajneri. "Në El Clasico, ajo që ke bërë më parë nuk vlen. Janë sfida krejtësisht të ndryshme, por shpresoj që të fitojmë ne".

Duke u ndalur te procesi i ndërtimit të skuadrës, trajneri pranoi se ekipi nuk ka arritur ende nivelin përfundimtar dhe se njohja mes lojtarëve dhe stafi teknik kërkon kohë.

"Kam ndjesinë se te Real Madridit ndodh kështu", tha ai. "Nuk kërkoj asgjë më shumë veçse kredite për lojtarët e mi kur luajnë mirë dhe kritika ndaj trajnerit kur nuk bëjmë mirë, kjo është pak a shumë historia jonë, e klubit dhe të gjithë trajnerëve në botë. Ky është një produkt që sa ka nisur të prodhohet. Trajneri po njeh dhe analizon dhe po përcakton rrugëtimin; lojtarët po njohin trajnerin dhe mënyrën e tij të punës, kritika është pjesë e këtij procesi. Kur nuk luani mirë apo rezultati është negativ kritika është pjesë e gjithë kësaj".

Sa u përket rezultateve të fundit, ai theksoi se as humbja e Barcelonës ndaj Paris Saint-Germainit dhe as fitorja e Realit ndaj Leipzigut nuk ndikojnë në mënyrën se si e sheh përballejen.

"Nëse në vend që të fitojmë 4-1 ndaj Leipzigut, do të kishim humbur 1-4, kjo nuk do të ndryshonte asgjë, para një javë, njerëzit mendonin se Barcelona do të na shënonte shumë gola, të njëjtin gjë e mendoj edhe tani. Që flitet mirë për Barcelonën nuk ndikon aspak tek unë".

Një tjetër temë e konferencës ishte arbitrimi, pas diskutimeve të ditëve të fundit për emrin e gjyqtarit që do të drejtojë sfidën.

"Nisem gjithnjë nga ideja se arbitri është i mirë, nuk më bezdis nëse është A, B apo C. Ajo që më bezdis është që thyhen rregullat. Prej 3 javësh doli emri i një arbitri dhe këto ditë po ashtu, por te Real Madridi askush nuk më tha kush është. Kushdo që të jetë, uroj që gjërat të shkojnë mirë".

Trajneri u ndal gjithashtu te rendesia ndërkombëtare e El Clasicos, duke theksuar se kjo përballeje shkon përtej emrave të trajnerëve.

"Real Madridi dhe Barcelona, minimumi luajnë dy El Clasico në sezon, nuk ka interes se kush janë trajnerët, ajo që ka më shumë rendesë është dimensioni botëror. Ka ndeshje të tjera të rendesishme në futboll, por ky është unik. Normalisht, bota e dashuruar pas futbollit ndalon dhe dëshiron ta shohë".

Për sa i përket rikthimit në Camp Nou, ai u shpreh se përgatitjet nuk ndryshojnë për shkak të stadiumit ku luhet ndeshja.

"Është njësoj si të shkosh në një stadium tjetër", tha ai, duke pranuar se Barcelona ka cilësi të shumta në përbërje.

Ai iu përgjigj edhe deklaratave të Fermin Lopez, i cili ishte shprehur i lodhur nga diskutimet për arbitrat.

"Ne na kanë lodhur gjërat e tjera që po vazhdojnë të ndodhin, ndërsa Fermin e kanë lodhur diskutimet tona".

Në konferencën nuk munguan as pyetjet për Lamine Yamal, një nga lojtarët më të rendesishëm të Barcelonës. Trajneri vlerësoi cilësitë e tij, por theksoi se skuadra nuk do të ndryshojë identitetin për shkak të një kundërshtari të vetëm.

"Yamal është një futbollist i madh, dhe lojtarët e mëdhenj respektohen, por tjetër gjë është të ndryshosh planet dhe strukturën e skuadrës dhe të harrosh esencën tundës. Ne nuk do ta bëjmë këtë as me të, as me ndonjë kundërshtar tjetër me cilësi të shumta".

Në fund, ai vlerësoi edhe punën e trajnerit të Barcelonës, Hansi Flick.

"Po bën një punë të shkëlqyer. Çfarë t'ju them më shumë", përfundoi ai.