Policia në Paris: Gjithçka është e qetë në qytet

Policia e Parisit thotë se “gjithçka është e qetë” në qytet, ndërsa në kryeqytetin francez kanë nisur demonstratat. Prefektura në një postim në X bën të ditur se forcat e saj janë “në terren dhe në ajër, për t’u mundësuar demonstruesve të marshojnë të sigurt nga Porte d’Italie deri në Porte de Vincennes”. Në Paris është lejuar një protestë, e cila duhet të zhvillohet në mënyrë strikte përgjatë një itinerari të caktuar. Më herët, efektivët e policisë u kërkuan njerëzve të largohen nga sheshi “Place de la Bastille” dhe të drejtohen për te “Porte d’Italie”, ku fillon marshimi i autorizuar.