Partizani humbet në shtëpi, Skënderbeu e mposht në "Arenën e Demave"

Partizani nuk arrin t'arratiset nga kriza e rezultateve. Të kuqtë u mposhtën 0-2 nga Skënderbeu në "Arenën e Demave", duke regjistruar një tjetër rezultat negativ në javën e tetë të kampionatit "Abissnet Superiore".

Pas një pjesë të pare pa gola, korçarët morën kontrollin e rezultatit në minutën e 56-të. Enur Totre fitoi një penallti pas ndërhyrjes së kundërshtarit brenda zonës dhe mori vetëpërsipërisht ekzekutimin. Mesfushori nuk gaboi nga pika e bardhë, duke kaluar Skënderbeun në avantazh.

Partizani nuk arriti të përmbyset rezultatin, ndërsa Skënderbeu shfrytëzoi minutat e fundit për të goditur sërish. Deivid Janqai realizoi golin e dytë me një goditje nga distanca, duke vulosur fitoren 2-0 të korçarëve.

Humbja në fushën e vet konfirmoi vështirësinë e Partizanit, që vijon të humbasë pikë dhe nuk po gjen zgjidhje për problemet në lojë dhe rezultate.

Ndërkohë, në Kurbin, Laçi arriti të rikthehej te fitorja pas tri humbjeve radhazi, duke mposhtur Vorën me rezultatin minimal 1-0. Takimi nisi me dy raste të humbura nga pika e bardhë dhe penalltisë. Në minutën e 10-të, Vora fitoi një penallti pas një faulli brenda zonës, por portieri Ortelio Biba priti goditjen e Bernard Karricës.

Pesëmbëdhjetë minuta më vonë, Laçi pati të njëjtin mundësi pas një prekjeje të topit me dorë në zonë. Stiven Bibo mori përçipërisht ekzekutimin, por portieri Romeo Harizaj reagoi saktë, duke mbajtur rezultatin të pandryshuar.

Pjesa e pare përfundoi pa gola, ndërsa kurbinasit gjetën rrugën e rrjetës në minutën e 73-të. Pas një goditjeje këndi, Arlind Kurti shfrytëzoi topin e ardhur në zonë dhe e shtyu në rrjetë, duke realizuar golin që vendosi fatin e takimit.

Laçi e ruajti avantazhin deri në fund dhe mori tri pikë pas tri humbjeve radhazi. Ndërsa kurbinasit ndërpresin serinë negative, Partizani e mbyll këtë javë me një tjetër humbje, këtë herë përballë Skënderbeut në shtëpi.