TIRANA: Protesta kombëtare sot në kryeqytet, mes gazit dhe përplasjeve

Protesta kombëtare sot në Tiranë është shndërëruar në një situatë të tensionuar, pasi policia ka nisur shpërndarjen e turmës me gaz lotsjellës dhe autobotë ujë. Protestuesit kanë zhvendosur drejt rrugës "Myslym Shyri" dhe rrugëve përreth, ndërsa forcat e policisë po ndjekin lëvizjet e tyre.

Policia ka nisur shpërndarjen e turmës me gaz lotsjellës dhe autobotë ujë, pas tensioneve dhe përplasjeve që shoqëruan protestën kombëtare të kësaj shtune. Protesta është organizuar si tubim kombëtar në ditën e 12-të të mobilizimit studentor, dhe kishte mbledhur një numër të madh qytetarësh në qendër të kryeqytetit.

Turma ishte shtrirë nga Kryeministria deri te Ministria e Brendshme, përpara se të nisnin përplasjet me policinë. Studentët, të mbështetur nga qytetarët të shumtë, vijojnë të kërkojnë dorëheqjen e kryeministrit Edi Rama, duke refuzuar ftesat e tij për dialog.

Zhvendosja drejt rrugës "Myslym Shyri" tregon se protesta po vijon edhe jashtë bulevardit, ndërsa forcat e policisë po ndjekin lëvizjet e turmës në rrugët e qendrës së Tiranës. Efektivët e Forcave të Ndryshimit të Shpejtë (FNSH) kanë hyrë në këmbë në parkun Rinia për të shpërndarë protestuesit, të cilët ishin strehuar në këtë zonë për t'i shpëtuar gazit lotsjellës dhe ujit me presion të përdorur nga policia.

Pas përplasjeve të regjistruara përpara Kryeministrisë, një pjesë e protestuesve janë zhvendosur drejt rrugës "Myslym Shyri" dhe rrugëve përreth, ndërsa forcat e policisë po ndjekin lëvizjet e tyre. Situata mbetet e tensionuar, dhe forcat e rendit janë vendosur pranë godinës së Kryeministrisë, pas tensioneve dhe përplasjeve që shoqëruan protestën kombëtare të kësaj shtune.