Policia nis shoqërimin e protestuesve në qendër të Tiranës
Protesta kombëtare zhvillohet në ditën e 12-të të mobilizimit studentor, ndërsa ende nuk ka një bilanc zyrtar të personave të shoqëruar apo të lënduar gjatë përpleshave.
Efektivët e policisë kanë nisur shoqërimin e disa personave të pranishëm në protestën e kësaj të shtunë, e cila është shoqëruar me përplasje mes protestuesve dhe forcave të rendit në qendër të kryeqytetit. Në pamjet e publikuara shihen disa efektivë të shqërojnë një person pranë hyrjes së Kryesisë së Kuvendit, pas tensioneve të regjistruara në zonën përpara Kryeministrisë. Situata u përshkallëzua pas hedhjes së gurëve dhe molotovëve nga protestuesit, ndërsa policia ndërhyri me gaz lotsjellës dhe autobotë uji për të shpërndarë turmën. Raportohet gjithashtu për përdorimin e plumbave të gomës dhe bombave shurdhuese, por këto të dhëna mbeten pa konfirmim zyrtar. Për shkak të ndërhyrjes së forcave të rendit, një pjesë e protestuesve u zhvendosën drejt Parkut Rinia, ku efektivët e FNSH-së vijuan operacionin për shpërndarjen e tyre. Protesta kombëtare zhvillohet në ditën e 12-të të mobilizimit studentor, ndërsa ende nuk ka një bilanc zyrtar të personave të shoqëruar apo të lënduar gjatë përpleshave.