Vincent Kompany është në spital pas një kolapsi, çfarë ndodhi para këtij incidenti dhe çka vuan trajneri i Bayern Munich

Vincent Kompany, trajneri i Bayern Munich, është në spital pas një kolapsi që ndodhi më shtunën e fundit. Sipas gazetës gjermane "TZ München", Kompany është në gjendje të qëndrueshme dhe po u nënshtrohet ekzaminimeve mjekësore për të përcaktuar shkakun e kolapsit. Por ajo që ndodhi më shtunën nuk ishte sinjali i parë për problemet shëndetësore të Kompany. Sipas raportimeve të "BILD", brenda Bayern Munich kishin vënë re për javët e fundit se trajneri po ndiqte një regjim punësor që po ndikonte në gjendjen e tij fizike. Kompany flinte shumë pak, kishte ndërprerë aktivitetin fizik, ushqehej në menyra të çrregullta dhe konsumonte sasi të mëdha kafeje. Ndërkohë, pjesën më të madhe të kohës ia kushtonte punës, duke analizuar ndeshjet dhe përgatitur stërvitjet deri në orët e vona të natës. Sipas mediave gjermane, trajneri 40-vjeçar kishte shfaqur probleme fizike edhe gjatë dy javëve të fundit. Dëmtime të viteve të kaluara i kishin shkaktuar shqetësim në zonën e ijëve, deri në atë pikë sa në ndeshjet e fundit detyrohej të shtrihej pasi u jepte udhëzime futbollistëve. Madje, "TZ München" raporton se Kompany kishte kaluar një natë në spital edhe disa ditë para kolapsit të shtunës. Kontrollat mjekësore nuk kishin evidentuar probleme, ndaj belgu kishte vendosur të vazhdojë punën dhe të drejtojë Bayernin nga pankina në përballjen me Arsenalin. Në klub e përshkruanë Kompany si një trajner që kërkon të kontrollojë personalisht çdo detaj, nga organizimi i udhëtimeve dhe seancave stërvitore deri tek analizat taktike të kundërshtarëve. Edhe pas përfundimit të angazhimeve me ekipin, ai vazhdojë të punonte në laptop gjatë natës. Të premten, pavarësisht shqetësimave të mëparshme, Kompany drejtoi stërvitjen e ekipit të parë. Më pas shkoi të ndiqte edhe seancën e ekipit të dytë, ku humbi ndjenjat dhe pati nevojë për ndërhyrje mjekësore. Drejtuesit e Bayern Munich kërkojnë tashmë që trajneri të ndërprejë përkohësisht angazhimet dhe të mos nxitojë me rikthimin në pankinë. Mjekët po kryejnë ekzaminimet për të përcaktuar shkakun e humbjes së ndjenjave. Deri tani nuk ka një përfundim mjekësor që ta lidhë drejtpërdrejt kolapsin me mungesën e gjumit, ushqyerjen apo ngarkesën në punë.