Tottenham fiton në derbin e Londrës, Chelsea mbyll me humbje
Tottenham fitoi në derbin e Londrës kundër Chelsea me rezultatin 0-2, duke regjistruar suksesin e dytë radhazi në Premier League. Chelsea mbyll derbin pa pikë, me dy gola të pësuar dhe një lojtar të përjashtuar.
Derbi i Londrës mes Chelsea-t dhe Tottenhamit përfundoi me fitoren 0-2 të miqve, të cilët morën tre pikë të renditjes së Premier League. Pjesa e parë nuk prodhoi raste të rrezikshme për asnjërin e skuadrave, me të dyja ekipet që shkuan në dhomat e zhveshjes me rezultatin 0-0.
Në minutën e 62-të, Pedro Neto kishte mundësinë të kalonte Chelsea-n në avantazh, por portieri Antonin Kinsky ndërhyri me një pritje vendimtare, duke mbajtur të paprekur portën e Tottenhamit.
Ndeshja ndryshoi në minutën e 77-të, kur Tottenham kaloi në avantazh pas një goditjeje të kendur. Portieri i Chelsea-t, Mike Penders, gaboi në dalje dhe topi përfundoi në rrjetë, duke i dhënë epërsinë skuadrës së Roberto De Zerbit.
Vetëm tri minuta më vonë, situata u përkeqësua për vendasit. Cole Palmer mori kartonin e dytë të verdhë dhe u largua nga fusha, duke e lënë Chelsea-n me dhjetë lojtarë në momentin kur skuadra kërkonte të riktheonte barazimin.
Tottenham shfrytëzoi epërsinë numerike dhe në minutën e 88-të Mathys Tel realizoi golin e dytë. Sulmuesi depërtoi mes mbrojtësve kundërshtarë dhe goditi fuqishëm nga distanca, duke mposhtur portierin Penders.
Me këtë fitore 0-2, Tottenham regjistron suksesin e dytë radhazi në Premier League, ndërsa Chelsea e mbyll derbin pa pikë, me dy gola të pësuar dhe një lojtar të përjashtuar.