"Berisha thirrje vetëm për dhunë", thotë Martin Leka

Analisti Martin Leka ka thënë se kreu i Partisë Demokratike, Sali Berisha, bën thirrje vetëm për dhunë. Në një intervistë për ABC News, Leka u shpreh se protesta kombëtare e thirrur prej tij, mblodhi vetëm një grusht njerëzish. Sipas analistit, sjellja agresive e Berishës ka larguar elektoratin nga PD. "Sali Berisha sot, përpos të tjerave, është treguar edhe frikacak, ka hedhur gurin dhe ka fshehur dorën. Në mungesë totale të njerëzve, në një protestë që e quan kombëtare, do i vinte turp të dilte në ballë të një grupi njerëzish që do e denigronin. Ka dërguar emisarë e vet, të dhunës, me në krye Stresin që bënte thirrje për dhunë. Sali Berisha, ka goja e vet ka pjellë dhe stërpjellë dhunë. E ka pësuar elektorati i PD dhe populli. Sali Berisha nuk është më një alternativë. PD e ka iniciuar vazhdimisht dhunën, është e vetmja formë që mendon se do e gjejë të dobësuar pushtetin e Edi Ramës. Shumë nga autorë të dhunës kapen nga policia dhe lirohen nga prokuroria e gjykata, nuk kam për ta kuptuar asnjëherë. Nëse dhunohet prona publike dhe private dhe rendi kushtetues, prokurori dhe gjykatës si shtetas të këtij vendi, janë të dhunuar", theksoi ai.