Obama Rikthehet në Fushatë për të Hapur Luftën Trumpit: Beteja e 3 Nëntorit për Kontrollin e Amerikës

Barack Obama është rikthyer në fushatë elektorale amerikane me një gjuhë shumë të ashpër ndaj Donald Trumpit sesa ajo që ka përdorur zakonisht pas largimit nga Shtëpia e Bardhë. Në një tubim në Cleveland, Ohio, ish-presidenti demokrat e vendosi administratën republikane përballë akuzave për korrupsion, keqkuptime dhe vendime që, sipas tij, kanë rënduar drejtpërdrejt mbi qytetarët amerikanë.

Siç raporton The Wall Street Journal, Obama doli në mbështetje të Amy Acton, kandidate demokrate për guvernator të Ohios, dhe Sherrod Brown, ish-senatorit që kërkon të rikthehet në Senat duke sfiduar republikanin Jon Husted. Të dyja garat kanë marrë rendësi në përpjesëtimin mes demokratëve dhe republikanëve para zgjedhjeve të 3 nëntorit.

Por Obama nuk e kufizoi fjalimin tek kandidatët lokalë. Ai e ktheu tubimin në një përballeje politike me Trumpin, duke sulmuar pikërisht çështjet mbi të cilat presidenti republikan ndërtoi një pjesë të rendesishme të premtimeve të tij elektorale: ekonomisë, çmimeve dhe politikës së jashtme.

Në qendër të kritikave ishte lufta me Iranin. Obama akuzoi Trumpin se kishte nisur një konflikt të panevojshëm dhe e lidhi atë me rritjen e çmimeve të naftës. Sipas ish-presidentit, vendimet e administratës amerikane kanë ndikuar në shpenzimet e familjeve, ndërkohë që Trump kishte premtuar uljen e kostos së jetës.

Kjo është një nga pikat kryesore të përpjesëimit politik. Demokratët po përpiqen të lidhin politikat tarifore dhe luftën në Iran me çmimet që paguajnë amerikanët, ndërsa Shtëpia e Bardhë ia atribuon demokratëve përgjegjësinë për problemet e kostos së jetës.

Obama shkoi më tej, duke akuzuar Trumpin se po përdor presidencën për përfiteime personale, familjare dhe të njerëzve pranë tij. Demokratët kanë vënë në qendër të debatit pasurinë e presidentit, aktivitetet e lidhura me kriptomonedhat, projektet e tij në Shtëpinë e Bardhë dhe vendimet e diskutueshme presidenciale.

Këto janë akuza politike që administrata Trump i kundërshton. Megjithatë, fakti që Obama i përfshiu në fjalimin e tij tregon drejtimin që demokratët po i japin fushatës: përballejen me presidentin jo vetëm për politikat ekonomike, por edhe për mënyrën se si ai ushtron pushtetin.

Ish-presidenti ironizoi edhe investimet e Trumpit për ndryshimin e ambienteve të Shtëpisë së Bardhë, duke i krahasuar dekorimet me një luks të tepërt. Për Obamën, këto ndërhyrje përfaqësojnë kontrastin mes prioriteteve personale të presidentit dhe problemet ekonomike që përballojnë qytetarët.

Një tjetër episod i rendesishëm i tubimit lidhej me kandidatin republikan për guvernator të Ohios, Vivek Ramaswamy. Fushata e tij ka përdorur një reklamë ku nëna e kandidate demokrate Amy Acton, me të cilën ajo nuk ka marrëdhënie prej dekadash, kundërshton rrëfimet e vajzës për fëmijërinë e saj.

Obama e kritikoi këtë reklamë, duke e cilësuar si shkelje të standardeve të sjelljes publike. Edhe guvernatori republikan i Ohios, Mike DeWine, ka kërkuar t'erheqjen e reklamës, ndërsa Ramaswamy e ka mbrojtur përdorimin e saj. Trump dhe zëvendëspresidenti JD Vance kanë dalë gjithashtu në mbrojtje të saj.

Por rendesia politike e rikthimit të Obamës nuk qëndron vetëm në ashpërsinë e fjalimit. Zgjedhjet e 3 nëntorit do të përcaktojnë përbërjen e re të Kongresit për dy vite të mbetur të mandatit presidencial të Trumpit. Një ndryshim i shumicës në Dhomën e Përfaqësuesve ose në Senat do të ndikonte drejtpërdrejt në mundësinë e administratës për të miratuar ligje dhe për të zbatuar programin e saj.

Obama e formuloi këto dallim gjatë tubimit. Ai pranoi se Trump do të qëndrojë president edhe për dy vite, por theksoi se votuesit mund të ndryshojnë përfaqësuesit që mbështesin politikat e tij në Kongres.

Kjo shpjegon edhe pse Obama është rikthyer në fushatë, duke kërkuar të mobilizojë votuesit në shtetet ku rezultati mund të ndryshojë raportin e forcave në Kongres.