Protestat studentore në Tiranë: 13 të lënduar dhe akuzat e Rama për grupe të dhunshme

Protestat studentore në Tiranë vazhdojnë të jenë të tensionuara, me 13 persona të lënduar dhe akuzat e kryeministrit Edi Rama për grupe të dhunshme të infiltruara në protestat. Studentët kërkojnë dorëheqjen e kryeministrit, duke e kthyer ditën e 12-tën në një nga episodet më të tensionuara të protestave.

Kryeministri Edi Rama e nisi edhe këtë shtunë me një ftesë për dialog, por edhe akuzat për grupe të dhunshme të infiltruara në protestën studentore. Përpara Kryeministrisë, një stol i madh betoni mbante fletë me mbishkrimin "Dialog", një gjest simbolik që kreu i qeverisë e përsërit prej pesë ditësh.

Por brenda paradites, Rama doli përkrah ministrit të Brendshëm Ervin Demo, duke folur për persona me precedentë kriminale, grupe të radikalizuara dhe individë të nxitur dhe të paguar për të ushtruar dhunë. Kryeministri rriqi paralele me protestat në Francë dhe Itali, duke bërë që të ditur se Shqipëria po bashkëpunon me këto dy vende për masa të reja sigurie.

"Duke qenë se në të tre vendet tona, flama e terrorit urban e ANTIFA-s është shfaqur me forcën e vet të verbër", u shpreh Rama.

Krahas akuzave dhe paralajmërimeve për masa ndaj dhunës, Rama pranoi se një pjesë e pakënaqësive që kanë nxitur protestën janë legjitime. Ai përmendi shtrenjtimin e jetës, vështirësitë e strehimit dhe kërkesat për më shumë meritokraci dhe barazi sociale. Ai premtoi masa konkrete.

"Ne jemi absolutisht të fokusuar dhe se shpejti do të bëjmë me dije dhe cilat do të jenë masat që do të marrim", deklaroi kryeministri.

Përplasjet lanë pas 13 të lënduar: tetë protestues, tre efektivë policie dhe dy përfaqësues të medias. Një prej tyre u paraqit në Spitalin e Traumes, mes tyre një protestues me dëmtime në sy.

"Njëri prej të cilëve i lënduar në sy, po i nënshtrohet ekzaminimeve. Jashtë rrezikut për jetën", njoftoi Ministria e Shëndetësisë.

Në QSUT morën trajtim një protestues dhe një efektiv policie, të cilët më pas lanë spitalin.

Asociacioni i Gazetarëve të Shqipërisë (AGSH) raportoi dy incidente të tjera ndaj gazetarëve gjatë protestës së shtunë, duke e çuar në 45 numrin e rasteve të dokumentuara ose të raportuara nga 13 deri më 24 tetor. Mes tyre përfshihen dhuna fizike, kërcënimet, pengimi i raportimit dhe sulmet verbale ndaj përfaqësuesve të medias.