Rayan Cherki, një futbollist që mund të vendosë fatin e një ndeshjeje

Rayan Cherki është një futbollist që mund të vendosë fatin e një ndeshjeje me një veprim të vetëm, por edhe të kalojë pa lënë gjurmë në fushë. Ky kontrast karakterizon sezonin e tij te Manchester City, ku talenti i jashtëzakonshëm i 23-vjeçarit bashkëjeton me paqëndrueshmërinë në paraqitje.

Vetëm katër ditë pasi shkeliu në fitoren 5-1 ndaj AEK Athens në Champions League, Cherki u zëvendësua në pushimin e pjesës së pare në humbjen 1-2 të City-t ndaj Aston Villas. Ish-lojtari i Lyonit nuk arriti të ndikonte në lojën e skuadrës së tij, ndërsa presioni i kundërshtarëve e kufizoi ndjeshëm, duke e mbajtur në vetëm 29 prekje të topit.

Ky nuk është një rast i izoluar. Trajneri Enzo Maresca e ka zëvendësuar Cherkin që në pushimin e ndeshjes tri herë këtë sezon, në të gjitha kompeticionet. Pas sfidës me Aston Villan, tekniku italian shpjegoi se vendimi lidhej edhe me rrezikun e një kartoni të dytë të verdhë, pasi francezi ishte ndeshkuar me herët. “Nuk është asgjë personale”, ishte mesazhi i tij.

Paradoksi i Cherkit është se vetëm pak ditë më parë ai kishte treguar edhe një herë se çfarë mund të japë Manchester City-t. Në fitoren ndaj AEK Athens, francezi realizoi një gol të shkëlqyer, duke kombinuar një lëvizje mashtruese me një goditje të fuqishme. Një tjetër moment magjik në një sezon ku ai ka dhuruar paraqitje të ngjashme edhe ndaj Crystal Palace dhe Liverpoolit.

Në fund të sezonit të kaluar, të parin në futbollin anglez, Cherki u përfshi në ekipin e vitit të Premier League, të përzgjedhur nga vetë lojtarët e kampionatit, pavarësisht se nuk ishte një titullar i padiskutueshëm. Një vlerësim që dëshmon potencialin e tij, por që nuk e ka zgjidhur ende çështjen e vazhdimësisë.

Maresca e di mirë se çfarë ka në dispozicion. Para ndeshjes me AEK Athens, trajneri i City-t e cilësoi Cherkin “një nga lojtarët më të mirë në Evropë kur arrin të marrë topin mes linjave”. Pikërisht në ato hapësira, francezi mund të bëhet vendimtar, duke krijuar raste, duke çarë mbrojtjet kundërshtare dhe duke prodhuar aksione që pak futbollistë të tjerë mund të imagjinojnë.

Por kur kundërshtari ia mohon këto hapësira dhe Manchester City humbet kontrollin e topit, ndikimi i tij bie ndjeshëm. Kjo u pa edhe në ndeshjet kundër Manchester United dhe Paris Saint-Germain, ku francezi pati vështirësi të gjetonte rolin e tij në momente kur skuadra ishte nën presion.

Për Cherkin, sfida nuk është të deshmohet se ka talent. Këtë e ka bërë tashmë. Pyetja është nëse mund ta shndërrojë atë talent në një armë të qëndrueshme për Manchester City-n. Sepse këtë sezon, mes magjisë dhe zhgënjimit, duket se për të nuk ka rrugë të mesme.