Napoli e Roma, barazim dhe polemika/ Ndeshja më e bukur e sezonit në Serinë A përfundon 3-3

Ndeshja e Napoli dhe Roma në Serinë A përfundoi 3-3 në stadiumin “Maradona”. Napoli ishte më pranë fitores, por nuk përballuan dot reagimin e kryeqytetasve. Ish-kampionët kryesuan deri në 2-0 deri 20 minuta para fundit, kur shënuan Anguisa në 28’ dhe Mektominai, njëri nga më të mirët në fushë. Sule shkurtoi diferencën për romanët, që patën më shumë zotërim të topit, këmbëngulën më shumë dhe gjuajtën më shumë. Balerdi barazoi në 74’, ndërsa në 83’ u duk se Mektominai i dha fitoren napolitanëve me rrjetën e dytë personale. Nuk ndodhi kështu dhe Leonardo Bardeli shënoi edhe ai të dytin personal, një minutë para fundit për të sigluar barazimin 3-3. Amir Rrahmani nuk ishte në fushë për Napolin, ndërsa Malen nuk mundi të shënonte këtë herë për verdhekuqtë e trajnerit Gasperini. Në minutat shtesë erdhi edhe përjashtimi I teknikut vendas, I cili u cilësua fajtor për fjalë të padenja, ndonëse më pas mohoi gjithçka. Roma mbetet e treta në Serinë A, me 18 pikë, 4 më pak se Lacio, ndërsa Napoli ka vetëm 11 pikë.