Rama: Ju jeni errësira që i mbylli atij djali dritën e syrit!

Kryeministri Edi Rama përmes një postimi në platformën X, ka reaguar në lidhje me plagosjen e rendë të Erion Vishkullit.

Rama thekson se plagosja e tij duhet të jetë një alarm për të gjithë, por mbi të gjitha për nxitësit e dhunës që propagandojnë nga ekranet e korruptuara televizive dhe nga pasqyrat e tyre sociale apo më zi akoma që paguajnë për mish për top lloj-lloj individesh, nga kriminelë, te djem të paditur dhe deri te fëmijë të mitur.

Rama ka njoftuar se është marrë personalisht që të sigurojë kurimin e Vishkullit në spitalin më të mirë të Italisë, si dhe transportin e tij me një avion charter mjekësor.

Rama u drejtoi të gjithë atyre që po e keqperëndrojnë syrin e plagosur të Vishkullit për të nxitur më tej dhunën, duke thënë: "Ju jeni errësira që i mbylli atij djali dritën e syrit! Ju jeni gishtat dhe thonjtë e dorës së malkimit që e përndjek Shqipërinë qysh në 1912-në, duke ia mbyllur sytë sa herë ky vend sheh dritë! Po këtë herë jeni të humbur, sepse drita e Shqipërisë është sot ku e ka më shumë se sa errësira dhe ju jeni gjithnjë e më pak, prandaj edhe po dhunoni, digjni e shkatërroni me urrejtjen e pangushëllueshme të asaj dore, por duke ua kujtuar mirë se kush jeni."