"Mora goditjen dhe rashë në tokë" - Erion Vishkulli: Plumbi i kam ende në sy

Gazetari Erion Vishkulli, i cili mbeti i plagosur në sy gjatë protestës së dielë, ka folur për herë të parë për ngjarjen. Ai ka treguar se ishte larguar nga protesta kur u qëllua me plumb në sy.

"Shkova të takoja shokët dhe do të ikja. Kisha hequr maskën e oksigjenit dhe në atë moment takova një shok gazetar. I kisha diku 30 metra larg policët, pa asnjë reagim, pa asgje. Vetëm kur më vjen një goditje, eca rreth dy metra dhe rashë në tokë," tha ai.

Ai tha se plumbi i gomës është ende në sy dhe nuk dihet se deri në çfarë shkallë është rreziku. "Vazhdoj ta kem ende plumbin e gomës në sy. Nuk e di tani të them se sa i lartë është rreziku, por e lehtë nuk është, sepse kam shumë dhimbje," tha Vishkulli.

Rrethi i tij për ngjarjen e mbyll me shprehjen: "Vetëm fitore. Shqipëria është e jona."