Çupi: Masat e Rama-s dëshmon qetësi për qytetarin

Analisti Frrok Çupi, i ftuar në emisionin “NewsLine” në ABC News, ka komentuar masat ligjore të prezantuara nga kryeministri Edi Rama, duke i cilësuar ato si një mënyrë për t’i dhënë shtetit kohën dhe instrumentet e nevojshme për të reaguar ndaj akteve të dhunës.

Sipas Çupit, ligji, masat shtrënguese dhe ato administrative përbëjnë kufijtë që shteti i vendos individëve që përdorin dhunën. Ai theksoi se masat synojnë mbrojtjen e menjëhershme të qytetarëve, si dhe garantimin e rendit publik.

Ai nënvizoi se ndërhyrjet ligjore nuk kanë të bëjnë vetëm me situatat e momentit, por edhe me mbrojtjen e brezave të ardhshëm dhe të trashëgimisë qytetare. “Kjo është një masë që i jep pushtetit kohën e et, kjo është merita më e madhe e këtyre masave. Shteti pajiset me armën e kohës që është ligji shtrëngimi, masa administrative, janë kufijtë që i tregon shteti njeriut të dhunës. Kjo që po ndodh po ndodh në suazën Europiane, ne jemi pjesë e vendeve më të përparuara të Bashkimit Evropian…Shteti ka vendosur disa piketa dhe ajo më e dukshme është piketa e mbrojtjes së menjëhershme. Nëse do të shtynim kohën duke u sorollatur pas procedurave gjyqësore që rënduan situatën dhe treguan se nuk janë gati. Mes ne sh dhe shteteve të Europës, Francës, Italisë e Gjermanisë u vu re se ata patën një drejtësi më të papërgatitur dhe hapi rrugë për të dënuar krimin, tek ne nuk e hapi. Nisin me mbrojtjen e individit, ndërkohë kjo masë ligjore padyshim mbron brezin që vjen dhe brezin e tanishëm. Është një moment kur shteti po mbron trashëgiminë. Qyteti është simbol, nëse sundohet qyteti do të thotë ka rënë qytetërimi ynë dhe kjo do të thotë të shkojmë në pikën zero prapë. Masa ligjore që prezantoi kryeministri dëshmon qetësi për qytetarin…Kemi një situatë ku njerëzit dalin në rrugë për të sulmuar policinë dhe shtetin, realisht shteti nuk preket, policia nuk preket…”, tha ai.