Policia rrethon Ministrinë e Arsimit përpara tubimit të studentëve

Policia ka marrë masa të shtuara sigurie pranë Ministrisë së Arsimit përpara tubimit të studentëve, që do të mbahet në orën 14:00. Forca të shumta policore kanë krijuar një kordon sigurie përreth institucionit, ndërsa në gatishmëri qëndron edhe një automjet që hedh ujë me presion.

Sot shënohet dita e 13-të e revoltës studentore, ndërsa protestuesit kërkojnë dorëheqjen e kryeministrit Edi Rama. Në të njëjtin ditë, Rama ka prezantuar një paketë me gjashtë masa ligjore, të cilat synojnë ndëshkimin e personave që qeveria i konsideron përgjegjës për akte dhune gjatë protestave.

Sipas paralajmërimi të kryeministrit, masat përfshijnë gjoba që nisin nga 500 mijë lekë, dënime me burg, si dhe përfshirjen e personave në ato që ai e ka cilësuar si “libri i zi”. Paketa e paralajmëruar nga Rama vjen ndërsa studentët vijojnë protestën dhe kërkojnë largimin e tij nga drejtimi i qeverisë.