Reshjet e dendura rikthejnë problemet në Vlorë
Rrugët në Vlorë janë mbuluar nga balta dhe dherat pas reshjeve të dendura, duke vështirësuar qarkullimin dhe duke kërkuar kujdes nga drejtuesit e automjeteve për të shmangur incidentet në rrugë.
Reshjet me intensitet të lartë kanë shkaktuar sërish probleme në Vlorë, ku rrugët në disa zona të qytetit janë mbuluar nga balta, dherat dhe materialet e sjella nga prurjet e ujit. Si pasojë, qarkullimi i automjeteve është vështirësuar, ndërsa drejtuesit e mjeteve duhet të tregojnë kujdes të shtuar për të shmangur incidentet në rrugë.
Kjo situatë nuk është e panjohur për qytetin bregdetar, pasi sa herë regjistrohen reshje të dendura, në disa akse rrugore rikthehen të njëjtit problem me grumbullimin e ujit, baltës dhe dherave. Problematika të ngjashme janë evidentuar në Durrës, ku reshjet e forta shpesh kanë sjellë vështirësi në qarkullim dhe grumbullim të ujit në rrugë.
Përsëritja e këtyre situatave ngre pyetje mbi gjendjen e infrastrukturës rrugore, funksionimin e sistemit të kullimit dhe masat e marra për parandalimin e pasojave të reshjeve. Ndërkohë, drejtuesit e automjeteve u kërkojnë të lëvizin me kujdes në zonat e prekura, për shkak të pranisë së baltës dhe materialeve të tjera në sipërfaqen e rrugëve.