Dy shqiptarë arrestohen dhe dënohen me burg në Britaninë e Madhe për kokainë dhe videolojëra

Policia britanike ka arrestuar dhe dënuar dy shqiptarë për posedim të kokainës dhe videolojëra në Stoke-on-Trent. Mikele Bilali, 26 vjeç, dhe Ervin Hasa, 25 vjeç, u paraqitën para Gjykatës së Kurorës më 2 tetor për të pranuar akuzat për posedim të kokainës me qëllim shpërndarje dhe drejtim pa leje. Bilali u dënuar me një vit e 10 muaj burg, ndërsa Hasa me tre vite burg.

Gjatë patrullimit në zonën Boothen të Stoke-on-Trent, oficerët e policisë ndaluan një automjet të zi të tipit "Mercedes" që drejtohej nga Bilali. Hasa iu afrua automjetit dhe komunikoi me Bilalin, ndaj edhe ai u arrestua. Gjatë kontrollit të makinës, policia gjeti telefona celularë të lidhur me Bilalin, ku kishte mesazhe që lidheshin me shpërndarjen e drogës, si dhe çelësat të një banese të përdorur nga Hasa.

Ky i fundit u gjet me 19 qese të vogla kokainë. Më pas, gjatë kontrollit të banesës, oficerët zbuluan rreth 10.700 paund të fshehura në një çantë të markës "Gucci", brenda mobilies së televizorit. Në një kuti videolojëra u gjetën edhe 1.000 paund të tjera, ndërsa në banesë u zbuluan më shumë se 210 qese me kokainë.

Edhe Bilali u gjet me drogë gjatë kontrollit në ambientet e paraburgimit, ku iu zbuluan 11 qese të vogla kokainë të fshehura në pantallona. Në total, policia sekuestroi 241 qese me kokainë, me një vlerë të përllogaritur në treg prej rreth 9.500 paundesh, si dhe më shumë se 11.900 paund në para të gatshme.

Sipas policisë, të dy të arrestuarit fillimisht nuk pranuan të jepnin deklarata gjatë marrjes në pyetje, por më vonë u akuzuan dhe pranuan veprat penale në gjykatë. Pas shpalljes së dënimeve, kryeinspektori Steve Morrey, nga departamenti i specializuar i krimeve në Policinë e Staffordshire, deklaroi se të dy personat ishin të përfshirë në shpërndarjen e lëndëve narkotike në Stoke-on-Trent.