Asllani protagonist, Hoffenheim i jep “leksion” Leverkusen-it
Asllani është protagonist në fitoren 3-0 të Hoffenheim-it kundër Bayer Leverkusen në Bundesliga.
Skuadra e Hoffenheim regjistroi një fitore të pastër 3-0 në shtëpi kundër Bayer Leverkusen, duke i dhënë fund ecurisë pozitive prej gjashtë fitoresh radhazi të miqve në Bundesliga. Ndeshja në "SNP Arena" nisi me një dominim lehtë në mbajtjen e topit nga miqtë, por rastin e parë të rrezikshëm e krijuan vendasit me anë të Leon Avdullahu, goditja e të cilit u ndal nga portieri Mark Flekken.
Mundësia më e mirë e pjesës së parë erdhi sërish nga vendasit, kur Adam Hlozek goditi shtyllën pas një asisti në zonën. Zhbllokimi i rezultatit erdhi në pjesën e dytë falë ndërhyrjes së sistemit VAR, i cili konfirmoi një faull të Edmond Tapsobas ndaj Fisnik Asllanit brenda zonës së rreptësisë. Penalltia u ekzekutua saktë nga sulmuesi kroat Andrej Kramaric, i cili shënoi golin e 1000-të në historinë e klubit të Hoffenheim në elitën e futbollit gjerman.
Vendasit dyfishuan avantazhin në minutën e fundit të kohës së rregullt për shkak të Alexander Prass, i cili pas golit u ndëshkua me kartonin e dytë të verdhë për heqjen e fanellës dhe u përjashtua nga loja. Goli i tretë dhe i fundit i takimit u shënuar në minutat shtesë nga Max Moerstedt, i cili shfrytëzoi një top të kthyer pas një goditjeje në travers nga Kramaric.