Rama synon të ashpërsosë ligjin për të kontrolluar protestat në Shqipëri

Kryeministri shqiptar Edi Rama synon të ashpërsosë ligjin për të kontrolluar protestat në Shqipëri, duke u frymëzuar nga modeli francez "shkelësi paguan". Projektligji parashikon gjoba mbi 500 euro për personat që marrin pjesë në tubime.

Nisma parashikon gjithashtu kompensim të menjëhershëm për bizneset e vogla dhe masa ndaj atyre që nxisin ose organizojnë pjesëmarrjen e të miturve në protesta. Sipas Le Monde, këto propozime vijnë në një kohë kur Tiranë vijojnë protestat kundër korrupsionit, kostos së jetesës dhe kushteve të studimit, ndërsa protestuesit kërkojnë dorëheqjen e Ramës.

Kryeministri ka deklaruar se dorëheqja e tij nuk mund të imponohet me forcë, ndërsa kreu i opozitës, Sali Berisha, ka kundërshtuar masat e propozuara. Edhe disa protestues i kanë cilësuar ato si një kërcënim për liritë qytetare, duke i krahasuar me praktikat e së kaluarës.

Ky draft, i cili do të paraqitet javën e ardhshme, parashikon gjithashtu "kompensim të menjëhershëm për bizneset e vogla" dhe një "pezullim" ose revokim të atyre që "inkurajojnë, organizojnë ose koordinojnë pjesëmarrjen e studentëve të mitur në tubime".

Mësuesit kanë dhënë mbështetjen e tyre për kërkesat e nxënësve të shkollave të mesme, si pjesë e lëvizjes paqësore të protesteve kundër qeverisë që ka vazhduar që nga maji në këtë vend ballkanik.

Që nga mesi i tetorit në kryeqytetin Tiranë, protestuesit janë përlëvduar rregullisht me policinë dhe kanë sulmuar ndërtesat qeveritare gjatë tubimeve kundër korrupsionit dhe për kushte më të mira studimi. Edi Rama, nga ana e tij, akuzon ndërhyrje të huaja.

"Kushdo që kërkon dorëheqjen time gabon kur mendon se ajo mund të imponohet me forcë ose në çfarëdo forme tjetër, por unë nuk mendoj se gjithçka që thonë dhe kërkojnë është e gabuar", tha ai të dielën.

Lideri i opozitës, Sali Berisha (Partia Demokratike e Shqipërisë, konservator) reagoi gjatë një bashkëbisedmi online me përdoruesit e internetit, i cili u raportua më vonë nga partia e tij në një njoftim për shtyp. Kur u pyet për masat e shpallura nga Rama, ai u përgjigj: "Ne qytetarët nuk do t'i njohim asnjë nga këto masa. Do të qëndrojmë me forcë kundër tyre dhe do t'i japim Edi Ramës një shans të barabartë, duke i dhënë atij atë që meriton".

Propozimet e kryeministrit shkaktuan gjithashtu reagime nga disa qindra protestues që marshuan përsëri të dielën në qendër të Tiranës për të denoncuar, ndër të tjera, koston e jetesës, kushtet e studimit dhe korrupsionin.

"Ndalimi i llogarive online që bëjnë thirrje për protesta, arrestimi i njerëzve etj., është si të kthehesh në vitet 1990" dhe komunizëm, kur "njerëzit kishin frikë të flisnin hapur", tha Frida, një dizajnere 29-vjeçare faqesh interneti. "Nuk është normale që gjërat të ndodhin kështu", u ankua ajo.

Një ditë më parë, gjatë demonstratës së fundit, protestuesit kanë sulmuar ndërtesën e qeverisë dhe kanë shpallur se do të vazhdojnë të protestojnë deri në dorëheqjen e Ramës.