Real Madridi fiton El Clasicon ndaj Barcelonës, Mbappé vendos derbin me dy gola

Real Madridi ka marrë një fitore të rendësishme ndaj Barcelonës në El Clasicon e javës së dhjetë të La Ligës. Kylian Mbappé ishte protagonist i përballjes, duke shënuar dy gola për madrilenët, ndërsa Raphinha realizoi golin e vetëm për katalanasit.

Skuadra madrilene kaloi e para në avantazh në minutën e 41-të, kur sulmuesi francez Kylian Mbappé dërgoi topin në rrjetë, duke i dhënë Realit epërsinë 1-0. Me këtë rezultat përfundoi pjesa e para, gjatë së cilës Barcelona u detyrua të kryente edhe një zëvendësim të hershëm, pasi Alejandro Balde u largua nga fusha për shkak dëmtimi në minutën e 30-të.

Në pjesën e dytë, Barcelona reagoi dhe arriti të barazonte rezultatin në minutën e 61-të. Raphinha realizoi për 1-1, pas një asistimi të Pedrit, duke rikthyer ekuilibrin në përballje.

Megjithatë, kur ndeshja po i afrohej fundit dhe dukej se dy skuadrat do të ndanin nga një pikë, Real Madridi gjeti golin vendimtar. Në minutën e 87-të, Mbappé shënoi sërish, këtë herë pas një asistimi të Eduardo Camavingas, duke rikthyer madrilenët në avantazh dhe duke vendosur rezultatin 2-1.

Fitorja 2-1 i jep Real Madridit tri pikë të rendësishme në javën e dhjetë të La Ligës, ndërsa Barcelona mbetet pa pikë nga kjo përballeje, megjithatë udhëheqë tabelën e La Ligas me dy pikë avantazh ndaj vendit të dytë Atletico Madrid.