Ndoja: Rama përdor praktikat e Italisë, Francës dhe Afrikës

Deputeti i PD-së, Arian Ndoja, ka komentuar paketen ligjore të prezantuar nga Kryeministri Edi Rama në lidhje me masat për njerëzit që ushtrojnë dhunë në protesta. Ndoja ka thënë se për këtë paketë, Rama ka marrë taktikën e përdorur nga vendet si Franca, Italia dhe disa vende të Afrikës, ku pushteti është i përquajtur në duart e një njeriu.

“Si individ nuk i besojmë më shqiptarët. I ka bërë të gjithë organet, përfshirë Kuvendin që t’i zbatojnë ligjet e tij. Kemi marrë praktikat me të mira të vendeve nga jashtë. Zogu, për shembull ka marrë kodin e Francës, një nga të mirat e asaj kohe, por shoqëria nuk e absorbonte dot. Kështu bëjnë edhe këta. Marrin paketa nga Italia, nga disa vende të Afrikës. Janë paketa të vendeve që e kanë përçaktuar pushtetin në duar të një njeriu. Donin që t’i detyronin shqiptarët që të merrnin mësime të reja, që të bënten tender, por nuk u bë”, u shpreh Ndoja.