Ervin Hoxha bën "paqe" me deputetët demokratë

Deputeti socialist Ervin Hoxha është shfaqur duke biseduar me tre kolegë të opozitës, vetëm pak ditë pas përplasjes fizike që ndodhi në Kuvend gjatë seancës plenare të javës së kaluar.

Ish-ministri i Brendshëm është para jashtë ambienteve të Kryesisë së Kuvendit, në shoqërinë e Luçiano Boçit, Luan Bacit dhe Xhelal Mziut.

Takimi vjen pas incidenteve të së enjtes në Parlament, ku tensionet mes socialistëve dhe demokratëve përfunduan në përplasje fizike.

Seanca e javës së kaluar ishte e para pas protestave të dhunshme në kryeqytet. Deputetët e opozitës kërkuan që Kuvendi ta përqafojë diskutimin e protestave, çka shkaktoi debate dhe përplasje me përfaqësuesit e mazhorancës.

Në një prej incidenteve, deputeti demokrat i Korçës, Fidel Kreka, u përplas fizikisht me Ervin Hoxhën, duke e shtyrë dhe goditur me kartonin e votimit.

Ndërsa të enjten deputetët u përfshinë në përplasje brenda sallës së Kuvendit, këta të henë Hoxha ishin para duke biseduar me tre përfaqësues të opozitës jashtë ambienteve parlamentare.