Formacioni më i mirë në Superiore përzgjidhet për javën e tetë
Drejtoria Teknike e FSHF ka përzgjedhur formacionin më të mirë në Superiore për javën e tetë, duke vlerësuar paraqitjet e futbollistëve në ndeshjet e zhvilluara këtë fundjavë.
Formacioni është ndërtuar me skemen 3-4-2-1 dhe përfshin futbollistë nga gjashtë skuadra të kampionatit, të cilët shpikën me paraqitjet e tyre në këtë javë.
Në portë është përzgjedhur Ortelio Biba i Laçit, ndërsa treshja e mbrojtjes përbëhet nga Naser Aliji i Dinamo City, Bruno Lulaj i AF Elbasanit dhe Arlind Kurti i Laçit.
Në mesfushë janë Ergis Arifi i Teutës, Ibrahim Abas i AF Elbasanit, Emmanuel Obinna Nwokporo i Vllaznisë dhe Dejvid Janaqi i Skënderbeut. Në mbështetje të sulmit janë përzgjedhur Klevi Qefalija i Dinamo City dhe Ennur Totre i Skënderbeut, ndërsa në majën e sulmit është Edon Murataj i Vllaznisë.
Trajneri më i mirë i javës së 8-të është shpallur Csaba Laszlo i Vllaznisë, pas fitores 2-0 ndaj Tiranës në stadiumin “Loro Boriçi”.