Policia nxjerr shkresë urgjente për ndalimin e kontrollit të telefonave të të miturve pa urdhër gjykate

Policia e Shtetit ka nxjerrë një shkresë urgjente për komisariatet e Tiranës dhe strukturat policore në Krujë, pas protestave të fundit studentore. Dokumenti i Drejtorisë Vendore të Policisë Tiranës, drejtuar komisariatëve nr. 1 deri në 7, thekson se efektivët nuk duhet të kontrollojnë telefonat cellulare pa urdhër gjykate, ndërsa kërkesat për pergjim duhet të mbështeten në dispozitat ligjore përkatëse.

Shkresa kërkon gjithashtu që punonjësit e policisë të mbajnë numrat identifikues gjatë ushtrimit të detyrës dhe që automjetet policore të kenë shenjat përkatëse. Për rastet që përfshijnë të mitur, drejtuesit kërkojnë praninë e prindit ose kujdestarit ligjor dhe të psikologut gjatë procedurave. Përpara marrjes në pyetje, efektivët duhet të plotësojnë formularin për njohjen me të drejtat ligjore dhe të mbajnë një regjistr të veçantë për këto raste.

Një tjetër udhëzim lidhet me kohëzgjatjen e shoqëriminë në polici. Strukturat duhet të bashkëpunohen me institucionet përkatëse për të shmangur mbajtjen e të miturve përtej kohës së nevojshme dhe kufijve që përcakton ligji. Dokumenti kërkon respektimin e rregullave për përdorimin proporcional të forcës dhe gazit lotsjellës gjatë ndërhyrjeve, si dhe dokumentimin e plotë të çdo shoqërimi.

Drejtoria Vendore e Policisë Tiranës u kërkon drejtuesve të komisariatëve të zbatojnë këto masa në përputhje me Kodin e Drejtësisë Penale për të Mitur dhe legjislacionin në fuqi.